Óyeme con los Ojos

María Pagés Compañía.
Pa esta artista sevillana, iconoclasta por naturaleza, que fixo de la danza y del flamencu la so patria poética, la modernidá ye la tradición en movimientu y el dinamismu de los nuesos llinguaxes ya idees. La so aportación creativa y estética mora na so serenidá al falar ensin complexos con tolos llinguaxes y faer qu'acepten la hospitalidá mítica del flamencu.

Utilizando los códigos fundamentales del llinguaxe flamencu ya investigando dientro y fora del mesmu, Pagés demostró ser una pionera nel entendimientu del flamencu como un arte n'evolución, contemporaneu y vivu. Superó nes sos coreografíes les diferencies culturales, convencida de que'l diálogu ente los llinguaxes artísticos favorez una mayor comprensión de la verdá orgánica del arte y de la vida.

El títulu de la obra Óyeme con los Ojos ta recoyíu del poema Sentimientos d'ausente de Sor Juana Inés de la Cruz.