Festival d'artes escéniques n'asturianu Escenines pa la reciella

Sesta edición del festival d’artes escéniques n’asturianu orientáu al públicu infantil y organizáu pola asociación Reciella.


Miércoles 26 d’avientu: 'Cuentos a la lluz d’un candil', por Olga Cuervo. Cuentos pa neños, cuentos pa neñes. Cuentos pal frío, y pa les estrelles. Cuentos pa contar, cuentos pa escuchar. Cuentos pa baillar y tamién pa cantar.


Xueves 27 d’avientu: 'Azul y la revolución de los colores', por Mar Rojo Teatro. Espectáculu de teatru y títeres que fala d’unes formigues que van vestíes de blancu y prietu. Por eso, la les sos compañeres, Azul ye otra formiga prieta. Pa ella mesma tamién. Por embargu, Azul siente qu’hai dalgo más p’allá y prúye-y les ganes de saber, descubre que fuera del formigueru hai un mundu enllenu colores.


Vienres 28 d’avientu: 'El Principín', por Higiénico Papel Teatro. Adaptación teatral de la famosa obra d’Antoine de Saint-Exupéry protagonizada por un Principín señaldosu y amable que cuenta la so historia nun tonu adaptáu pa lo pequeño de la casa.


Sábadu 29 d’avientu: 'Cantares navidiegos pa neños y neñes', por Bandina de músicos asturianos. Una bandina formada por dalgunos de los nuestros meyores músicos tradicionales van poner nel escenariu una recopilación de cantares navidiegos, tanto los que correspuenden al cancioneru tradicional, como los nuevos compuestos a propósitu de los personaxes del Anguleru o’l Nataliegu.