Santuyano

Donada a la catedral a finales del sieglu IX por Alfonso III El Magnu.

La ilesia prerrománica de Santuyano ye'l más antiguu y mayor de los edificios prerrománicos qu'entá se caltienen. Construyida mientres el reináu d'Alfonso II El Castu (791-842), foi dedicada a Santullano y la so esposa Santa Basilisa. Nel añu 896 foi donada a la catedral d'Uviéu xunto ''colos sos palacios, baños y triclinios'' por Alfonso III El Magno.

Consta de planta basilical llatina de trés naves, cruceru formáu por una gran nave tresversal, cabecera tripartita con trés capielles cuadraes cubiertes con bóvedes de cañón, pórticu a los pies y cuartos llaterales.

Nel interior les naves tán separtaes por arcos de mediu puntu sobre pegollos cuadraos. La nave central ta dixebrada de la tresversal por un arcu toral a que los sos llaos hai dos güecos con arcu de piedra.

Les naves y el cruceru cúbrense con armadura de madera, mientres que nes capielles emplégase bóveda de cañón. Sobre la capiella central atópase un recintu con accesu dende l'esterior al traviés d'una ventana dividida nel centru por una columna con trés arquinos de lladriyu sobre dos pequeñes columnes de mármol.

Destaquen les pintures que decoren l'estucu qu'enllucía tol interior de los murios y de les bóvedes, que deriven de motivos ornamentales romanos, asina como l'arquería ciega que percuerre l'ábside central, y les celosíes que zarren los güecos (sólamente una ye orixinal).

Más información

Fecha de construcción: 

Siglo IX

Conceyu: 

  • Oviedo/Uviéu

Dirección: 

C/ Selgas, 2. 33001 Uviéu

Teléfono: 

687 052 826

Web: 

http://www.prerromanicoasturiano.es/es/26/monumentos/46/en-oviedo/57/san-julin-de-los-prados.html
Zircon - This is a contributing Drupal Theme
Design by WeebPal.