Santa María del Naranco

Ye la más significativa de les construcciones del arte prerrománicu europeu.

El Palaciu de Ramiro I allugáu na falda del monte Naranco ye una construcción singular ensin una finalidá esclariada (palaciu, ilesia, pabellón real, aula regia, etc.). L'edificiu, de planta rectangular, ta estremáu en dos pisos, ún inferior o cripta que ye totalmente zarráu y una superior diáfana, xuníes por una escalera esterior.

La construcción, de cuidada mampostería, ta alzada sobre un zócalu de piedra pa imprimi-y un sentíu vertical que se refuerza colos contrafuertes estriaos que lleguen hasta'l teyáu.

El pisu inferior o cripta ye similar a la de Santa Leocadia, na Cámara Santa. Apórtase a ella dende l'esterior y ta totalmente abovedada reforciada con arcos faxones.

Al pisu cimeru llégase dende la escalera esterior. Ye una sola estancia con miradores a dambos llaos y uns ventanes aximezaes qu'asemeyen otru pisu nuna de les sos cares.

Los miradores estructúranse en triple arquería que sofiten sobre columnes con fustes llabraos y capiteles corintios. Esteriormente, dende les ventanes escuelguen pilastres estriaos y con cruces que se rematen en medayones con figuración animal y humana.

L'interior, totalmente abovedáu, ta percorríu por arcos faxones que repiten la decoración esterior de pilastres decoraos con remate de medayones.

Más información

Conceyu: 

  • Oviedo/Uviéu

Dirección: 

Monte Naranco. 33012 Oviedo

Teléfono: 

638 260 163 Guía

Web: 

http://www.prerromanicoasturiano.es/es/26/monumentos/46/en-oviedo/61/santa-mara-del-naranco.html
Zircon - This is a contributing Drupal Theme
Design by WeebPal.