Ilesia de Santiago de Gobiendes

Exemplu destacable de los años últimos del prerrománicu.

Construyida nel sieglu X y reedificada parcialmente nel sieglu XIX, esta ilesia prerrománica cuenta con planta basilical. Ta estremada en trés naves y tien cabecera tripartita.

A los pies de la nave, caltiénense dos compartimientos del pórticu primitivu a los que se llega per mediu de dos puertes d'arcu de lladriyu.

L'interior cúbrese con madera, sacante les capielles llaterales de la cabecera, que se tapen con bóveda de cañón.

Les naves sepártense por pequeños arcos semicirculares de lladriyu que sofiten sobre pegollu de seición cuadrada. Na zona de la cabecera les columnes decórense con capiteles con motivos asturianos: sogueados y fueyes d'acantu.

De época prerrománica caltiénse la ventana con columna nel centru de la muria sur, sobre la que s'inscribió la fecha de reedificación, dellos capiteles y restos d'otra ventana.

Nel sieglu XIX faise una reedificación de la ilesia: la capiella mayor, la sacristía de la muria sur, el cuerpu de la estructura que se prolonga de manera vertical y fina en punta, y el pórticu qu'arrodia les fachaes occidental y meridional.

La ilesia de Santiago de Gobiendes foi restaurada ente los años 1985 y 1987 pol Gobiernu d'Asturies.

Más información ►

Fecha de construcción: 

Sieglu X

Conceyu: 

  • Colunga

Dirección: 

Parroquia de Sales. Gobiendes (Colunga)

Teléfono: 

985 869 043 Guardesa / 655 809 773

Web: 

http://www.prerromanicoasturiano.es/es/26/monumentos/42/en-colunga/51/santiago-de-gobiendes.html
Zircon - This is a contributing Drupal Theme
Design by WeebPal.