Ilesia de San Salvador de Valdediós

La ilesia de San Salvador de Valdediós edificóse, xunto con delles dependencies palaciales, baxo'l reináu d'Alfonso III.

Foi consagrada nel 893 por siete obispos, según reza la llábana que se caltién na capiella llateral sur.

Estructúrase en planta basilical de trés naves, cabecera tripartita con capielles de dimensiones pequeñes, y dos compartimientos adosaos a los murios norte y sur que faen esternamente de falsu cruceru.

A los pies de la ilesia ábrense trés compartimientos que se correspuenden colos de la cabecera, y sobre'l central asítiase la tribuna real que recibe la lluz de manera direuta d'una ventana dividida nel centru por una columna y abierta nel frente principal.

Les naves, altes y estreches, sepártense por arcos de mediu puntu sobre pegollu de seición cuadrada ensin decoración, mientres que les capielles absidiales dixébrense de les naves por arcos de mediu puntu que sofiten sobre columnes con capiteles decoraos con motivos vexetales.

Tolos espacios interiores tán abovedaos y caltiénense importantes restos de pintures murales.

Más información

Fecha de construcción: 

893

Conceyu: 

  • Villaviciosa

Dirección: 

33312 Valdediós (Villaviciosa)

Teléfono: 

670 242 372 Guía

Web: 

http://www.prerromanicoasturiano.es/es/26/monumentos/47/en-villaviciosa/66/san-salvador-de-valdedis.html
Zircon - This is a contributing Drupal Theme
Design by WeebPal.