La ilesia presenta planta basilical formada por trés naves, la central más ancha y alta que les llaterales, cubiertes de madera y separtaes por pegollos de mampostería de base cuadrada con capiteles-imposta de moldures y bases que sofiten trés arcos formeros de mediu puntu de lladriyu enllucíu.
Nos murios de la nave central, sobre los pegollos, ábrense cuatro vanos rectangulares a cada llau, zarraos con celosíes (na so mayor parte reconstruyíes). La cubierta ye d'armadura vista.
La cabecera ye tripartita; les trés capielles cúbrense con bóvedes de cañón. La capiella central ta arrodiada por una arquería ciega sobre un zócalo sobre otru formáu por arcos de mediu puntu sobre columnes adosaes con capiteles de fueyes bien esquemátiques, que xunto colos capiteles del arcu de trunfu, recuerden los de Valdediós.
Nel interior caltiénense restos de pintures con motivos vexetales, xeométricos y arquiteutónicos.
A los pies de la ilesia hai un pórticu estremáu en trés recintos y sobre'l central llevántase una tribuna.
Fecha de construcción:
Conceyu:
- Villaviciosa
