Muséu de Belles Artes d'Asturies

    Anguaño ta instaláu nuna serie d'edificios asitiaos nel cascu históricu d'Uviéu: el Palaciu de Velarde (1765), obra del arquiteutu Manuel Reguera, que coneuta con un inmueble destináu a oficines; la Casa d'Uviéu-Portal (1660), construyida por Melchor de Velasco, y l'edificiu d'ampliación, diseñáu por Francisco Mangado, inauguráu nel 2015. En total, más de 4500 metros cuadraos espositivos nos qu'amosar el ricu patrimoniu artísticu qu'atesora.

    La coleición del muséu ta formada por más de 15.000 pieces del sieglu XIV hasta anguaño, y inclúi una variada representación de pintura, escultura, obra sobre papel (dibuxu y grabáu), fotografía y artes aplicaes y industriales (especialmente vidriu y lloza).

    Nella sobresalen nomes d'artistes asturianos, estatales y internacionales como El Greco, Reni, Zurbarán, Murillo, Carreño de Miranda, la saga de lo Menéndez, Kauffmann, Goya, Pérez Villaamil, Pinazo, Menéndez Pidal, Uría, Sorolla, Regoyos, Valle, Piñole, Picasso, Dalí, Miró Tápies y Barceló, ente munchos otros.

    Ye una coleición abierta, que medra cada añu gracies a alquisiciones, donaciones, depósitos y otres fórmules como la dación, destacando dientro d'estes dos últimes modalidaes los depósitos de los museos del Prado y Reina Sofía, según la dación de la Colección Pedro Masaveu.

direccion: 

C/ Santa Ana, 1. 33003 Uviéu

telefono: 

985 213 061

web: 

http://www.museobbaa.com
Zircon - This is a contributing Drupal Theme
Design by WeebPal.