Vuelta Abajo

Vuelta Abajo ye un grupu formáu n'Uviéu y compuestu mayoritariamente por asturianos, xuníos pol amor a la música y n'especial pola música popular y folklórica d'América llatina.

Los fundadores del grupu escoyeron esti nome remembrando los sos viaxes pola Isla de Cuba y aludiendo
a la rexón tabaquera de más prestíu pola calidá de la so fueya.

Nos sos entamos la base musical del grupu yera la música tradicional cubana, pero tres l'ampliación de componentes realizada en 2006, el nuesu repertoriu amplióse a cantares pertenecientes a tol folclor hispanoamericanu, dexándonos ser nexu d'unión afeutiva con ensame de países y persones de fala hispana.