Ver y tocar

El Museo Tiflológico foi creáu pola ONCE fai 25 años, de primeres, como serviciu a los sos afiliaos, respondiendo a unes esmoliciones concretes manifestaes por éstos y plantegaes a dos niveles: per una parte la necesidá d'aportar a la esperiencia estética derivada de les obres d'arte de calter universal (arquitectura y escultura principalmente) de les que namás teníen conocencia al traviés de les descripciones escrites o verbales d'otres persones y nunca por esperiencia propia; por otra, el ceadores afiliaos a la Institución demandaben un espaciu onde poder esponer les sos obres y que constituyera un bon escaparate para les sos esmoliciones y el so quefer.


Resultáu de dambos intereses foi la creación d'un espaciu físicu que, dando prestu a estes demandes, fora un puntu d'integración col restu de la sociedá. Esti últimu aspeutu subyace, asina mesmu, na decisión de la Dirección de Cultura del ONCE de patrocinar y xestionar la itinerancia d'una amuesa significativa de pieces de caúna de les colecciones que formen parte de los fondos del Museo Tiflológico de Madrid.