Turandot

Giacomo Puccini

Ópera en tres actos

Turandot ye una ópera en tres actos con música de Giacomo Puccini y llibretu n'italianu de Giuseppe Adami y Renato Simoni. La ópera, inconclusa pola muerte de Puccini, foi completada por Franco Alfano y estrenada el 25 d'abril de 1926 en La Scala de Milán.

Dos décades dempués de Madama Butterfly, Puccini volvía al Estremu Oriente- nesta ocasión, China- pa desenvolver la que foi la so obra póstuma, Turandot. Una ópera que goció d'una gran aceptación dende'l so peculiar estrenu en 1926, dos años dempués de la muerte del compositor en Bruxeles. La evolución de les anteriores obres de Puccini remató nuna ópera de tal guapura como lo atestigüen esos fragmentos que devasaron la llínea de la ópera pa llegar al gran públicu: ”Nessun dorma", ”In questa reggia” o ”Signore, ascolta”.