Tribulaciones del diestro Jorge Moreno Morenito…

Moliciones del diestru Jorge Moreno 'Morenito' depués d'aceptar un clavel refundiáu dende'l tendíu nueve por una supuesta desconocida / Ánimo De Lucro
Nestos tiempos el valor supónse-yos, amás d'a los toreros, a los teatreros. Jorge Moreno “Morenito” tría otra vegada'l albero/escenariu pa faer el paseúcu con un nuevu grupu –Ánimo De Lucro- y una nueva obra -que'l so nome tamién se las trae-. Los ésitos de Konjuro sirviéronlu pa escoyer plaza, cartelu y fecha, pero cada morlaco teatral tien la so lidia y sabe pegar cornaes. Les peores, mentando la tema d'esta obra. Moreno, qu'enxamás se sollivió, tampoco rehúye agora bregar arimáu y decide faer xera metíu ente los pitones más astifinos de l'actualidá: los toros y la política.