Tosca

¿Un thriller románticu o una parábola sobre los males del totalitarismu? Axentes represores, espíes, interrogatorios, escuches telefóniques y la violencia exercida por un estáu policial contra los defensores de la llibertá son los ingredientes principales de la propuesta del direutor d'escena Arnaud Bernard. Inspiráu na película 'La vida de los otros' de Florian Henckel von Donnersmarck, nos plantega un paralelismu ente dos rexímenes represores, los de la República Romana y l'Alemaña comunista, y les sos víctimes: el control exercíu pola policía secreta sobre los círculos inteleutuales.

'Tosca', una de les obres más conocíes y representaes de Puccini, tuvo dende la so estrena un ésitu enorme. Les sos dosis de pasión, odiu y sangre, xuníos a los amores ardientes de la pareya protagonista y al espliegue melódicu y la belleza ablucante de los sos temes, conviértenla nuna de los cumes del movimientu verista.

Ópera en trés actos. Música de Giacomo Puccini. Llibretu de Giuseppe Giacosa y Luigi Illica basáu na obra de teatru 'La Tosca' de Victorien Sardou.