Tierra negra. Minas y mineros

¿Comparten les cuenques mineres del carbón n'Europa una hestoria común? Les más de trenta mil imaxes captaes polos fotoperiodistes Eduardo Urdangaray y Ramón Jiménez a lo llargo de les postreres trés décades y el so proyectu Tierra Negra, que recueye una selección d'ese perampliu trabayu, nun dexa llugar a la dulda: sí.


Les fotografíes, alcontraes en zones mineres d'Asturies, Llión, Palencia o, tamién, en contornes carboneres d'Alemaña, Francia, Polonia o la República Checa, revelen que los territorios del carbón comparten paecíu ADN, que tienen xenética familiar. Son hestories con nexos comunes.


Eduardo Undangaray (Mieres, 1969) y Ramón Jiménez (Llangréu, 1962), dispararon los sos cámares miles de vegaes en pozos mineros, n'asamblees de trabayadores, en ruedes de prensa y visites d'autoridaes… Tamién dieron testimoniu del dolor de los accidentes de mina, de la emoción de los funerales de la familia minera, y fueron testigues del tresformamientu d'un territoriu.


La resultancia, lo captao polos sos oxetivos, ye una ambiciosa fotografía de los postreros trenta años nes Cuenques Mineres; el dibuxu d'una sociedá y d'una forma de vida que güei se nos amuesa en clara retirada.