Sitiados

'La ciudad sitiada' escribióla la dramaturga, direutora y fundadora de la compañía Micomicón, Laila Ripoll, y estrenada nel 1999 na Sala Cuarta Pared de Madrid baxo la direición de la propia autora. Foi una obra que goció d'un reconocimientu importante, tanto a nivel de públicu como de la crítica teatral.

Baxo la firma y el sellu inconfundible de los testos y direiciones de Ripoll, conxúgase un universu del horror y del humor negro que saca a la lluz dalgunos de los aspeutos más escuros de la historia del ser humanu, pero tamién fala d'esperanza, de superación, d'amor incondicional y de guapura metanes del dolor. Esta combinación estraordinaria de clarescuros ye lo qu'impulsó a escoyer esta obra como ramu a la trayeutoria de cuatro años de formación de los alumnos.

Taller escénicu final de Cuartu A de la Escuela Superior d'Arte Dramáticu.