Sin precedentes

Carles Benavent: baxu Tinu Di Geraldo: batería Jorge Pardo: saxos y flauta Consideráu como unu de los meyores tríos jazzísticos o de jazz-fusión de la hestoria, el tríu de Carles Benavent, Tinu Di Geraldo y Jorge Pardo, ye una unión natural en cumpliendo Pardo y Benavent años de compromisu col Sestetu de Paco de Lucia y faciendo hestoria nel flamencu. Naquel sestetu -ésti ye un fechu históricu- empezó a desenvolvese la improvisación sobre'l soporte de la más rigorosa rítmica flamenca, con una actitú jazzística y basándose nes composiciones de Pardo y Benavent conteníes nos sos anteriores discos. El branu del 98 cerró'l ciclu con una apoteósica xira polos más importantes festivales de jazz que los llevó dende Vitoria a Montreal. Arriendes de ende, la necesidá espresivo y creativo d'un llinguaxe propiu llévalos a xunise, de magar, nun dexaron de tocar. “El Concierto de Sevilla”, foi'l primer testimoniu sonoru editáu pol tríu. Un discu que se grabó mientres los dos conciertos realizaos nel Teatru Central de Sevilla n'avientu de 1999. Una estraordinaria fusión ente'l jazz, el flamencu y la música mediterránea, onde xuntos repasaben temes de les sos carreres discográfiques. Jorge Pardo lideró un ensame de proyectos como “Vida en Catedrales" con delles referencies al pie de Tomás San Miguel, “Zebra Coast" con Gil Goldstein, “Live in Montreaux" con Nana Caymi yWagner Tizo, “Ur” con Michaell Bismut, “Jazzpaña” con arreglos de Ariff Mardin y Vince Mendoza. Yá nel nuevu sieglu, les grabaciones con “D'3”, la so colección de Vientos Flamencos", el tríu con Carles Benavent y Tinu di Geraldo premiáu pol so “Sin precedentes", “Desvaríos" con “la Bola” pal sellu RTVE, “Touchstone” con Chick Corea, l'homenaxe a Miles Davis en NY, o el so recién proyectu "Huellas" (2012) y la so versión con Big Band, “Huellas XL”, estrenáu en Etnosur (2013), son espectáculos colos que percorrió innumberables festivales, teatros y sales de los cinco continentes a lo llargo de más de 30 años de trayectoria profesional. Jorge Pardo recibió'l 15 de xineru 2013 nel Théátre du Chátelet de París el Premiu a Meyor músicu Européu de Jazz, per parte de la prestixosa Academia Francesa de Jazz. Asina mesmu, foi galardonáu'l 27 d'ochobre de 2015 col Premiu Nacional de les Músiques Actuales otorgáu pol Ministeriu d'Educación y Cultura.