'Petitet'

Joan Ximénez Petitet, un fuerte xitanu del barrio del Raval de Barcelona, acompañó –tocando los 'bongos'– a munchos de los grandes músicos de rumba. El so padre foi 'palmeru' del famoso ídolu de la rumba catalana, Peret, yá muertu, igual que tolos grandes nomes de la so xeneración que popularizaron y internacionalizaron la rumba catalana.

Enantes de morir la so madre, Petitet prometió-y que dalgún día devolvería la rumba catalana a la cima, a ser posible nún de los escenarios más importantes, como ye El Liceu. Ye fíu único y calez miastenia gravis, una enfermedá de les nomaes 'rares' que namái se diagnostica a una de cada 50.000 persones en tol mundu,con cura entovía nun investigada de manera suficiente.

Agora, pa poder cumplir la so promesa, deberá reunir a una ventena de músicos xitanos –xeniales, anque indisciplinaos– y consiguir el milagru que supón ponese d'alcuerdu con una orquesta sinfónica. Los ensayos, ciertamente, son un caos: los sos xitanos nun lleeron nunca una partitura. Magar les dificultaes, Petitet aprovecha tanto los díes bonos como los malos, dispuestu a cumplir la promesa que fixo a la so madre.

Direición: Carles Bosch.
Guion: Carles Bosch y David Vidal.