LXX Temporada de Ópera: Il Trovatore

IL TROVATORE de G. Verdi.


Rivalidá amorosa y política, sede de vengación, celos y muerte. Una hestoria con momentos d'apasionada y brutal desesperación que nun aforra en situaciones escabrosas: una execución na foguera, una muerte nel patíbulu, un neñu amburáu, un suicidiu con venenu, un duelu nun palaciu…


Verdi crea una música qu'algama elevaos visos d'inspiración melódica y emociona pola so grandiosa fuerza espresiva, con un ritmu brengosu como nunca se viera na llírica italiana, más allá d'un llibretu, basáu na traxedia homónima del dramaturgu español Antonio García Gutiérrez, que ye unu de los más alloriaos del xéneru. Un color aventureru y 'zíngaru' envolubra a los personaxes de Manrico y Azucena, dambos marcaos por un destín aciagu.


Il Trovatore llogró dende la so primer representación l'entusiasmu del públicu, convirtiéndose bien llueu n'una de les obres más interpretaes y apreciaes de too'l repertoriu operísticu. En poques óperes verdianes preséntense los cuatro rexistros de la voz con tal prestancia y esixencia. El míticu tenor Enrico Caruso dixo que 'para faer un bon Trovatore namá faen falta los cuatro meyores cantantes del mundu'.


FICHA ARTÍSTICA


El Conde de Luna: Simone Piazzola

Leonora: Julianna di Giacomo

Azucena: Luciana D´Intino

Manrico: Aquiles Machado

Ferrando: Dario Russo

Inés: María José Suárez

Ruiz/Un mensajero: Jorge Rodríguez-Norton

Dirección musical: Ramón Tebar

Dirección d'escena y conceptu escenográficu: Joan Anton Rechi

Orquesta Oviedo Filarmonía y Coro de la Ópera d'Uviéu