'Llázaro de Tormes', de Carlos Alba 'Cellero'

'La vida de Lazarillo de Tormes y de sus fortunas y adversidades', más conocida como'l Lazarillo de Tormes, novela asoleyada nel sieglu XVI (año 1554) y d´autor entá desconocíu, ye ún de les obres cimeres de la lliteratura española y entama'l xéneru nomau novela picaresca.

LLÁZARO CIEGU
Persíguese caltener el fondu popular y folclóricu del orixinal, tamién una llingüa guapa y prestosa. Llázaro de Tormes, que nel momentu de la representación ye pregoneru de los vinos del arcipreste de San Salvador, cuenta les sos 'picardíes' col envís de xustificar la so vida, y faciendo de paso un retratu coñón de la sociedá de la so época. La comicidá y la complicidá col públicu tán presentes nel montaxe, ensin descuidar la calidá lliteraria del textu.

LLÁZARO CLÉRIGU
Llázaro, d'oficiu pregoneru, ye un paisanu de palabra fácil y posada, un 'monologuista' natural. El testu ye una crítica a la sociedá daquella, compuesta mayormente por clases pasives: el ciegu mendicante, el clérigu, el fidalgu arruináu, el bulderu, l'aguacil, l´arcipreste…