L'escaezu

El grupu musical Mus realiza un conciertu pa los "Neños de la Guerra” en Moscú. A partir d'equí surde la película L’escaezu. Alcordances del 37 xira alredor d'aquellos neños qu'en 1937 vivieron una evacuación forzosa por causa de la Guerra Civil española hacia la URSS. Munchos tuvieron qu'esperar casi 20 años pa poder volver, otros nunca llegaron a tornar. El filme parte de lo colectivo, la evacuación y la guerra, pa enfusase en cada personaxe y na hestoria de les hestories. Y dende cada hestoria volver al grupu, a los "Neños”, a toos esos factores que fueron texendo les sos vides con madexes comunes: la Guerra Civil , la Segunda Guerra Mundial, les postguerra, la crisis de los misiles, la guerra fría, el fin de la Xunión Soviética, la dictadura franquista y los nuesos díes.

Dirección: Lucia Herrera, Juan Luis Ruiz.

Idea: Fran Gayo.

Fotografía: Juan Luis Ruiz.

Música: Mus [Mónica Vacas, Fran Gayo].

Edición: José Valle.

Montaxe de soníu: Pelayo Gutiérrez.

Posproducción: José Braña.

Producción executiva: Francisco G. Orejas.

Idioma: Asturianu.