Las Tertulias del Campoamor: Laura Marcos

  • Conferencies

Fecha: 

Miércoles, Xunu 28, 2017

Hora: 

20:00h.

Preciu: 

Entrada libre hasta completar aforo.

Llugar: 

Teatru Campoamor

Conceyu: 

  • Oviedo/Uviéu

Llicenciada en Filoloxía Inglesa, especialista en Filoloxía Asturiana y profesora d’Inglés na enseñanza pública d’Asturies, Laura Marcos tien dellos cuentos y poemes publicaos nes revistes 'Formientu' y 'Reciella Malory'; traducciones del inglés (W. W. Jacobs, Jonathan Swift, Herman Alexie) nes revistes 'Estandoriu' y 'Campo de los Patos'; y una collaboración lliteraria nel llibru 'Castilletes de pozos mineros de la Montaña Central asturiana'. Foi la encargada de la edición del llibru 'Testos en llingua asturiana' na revista 'Asturias' de Buenos Aires (1918-2005), publicáu pola Academia de la Llingua Asturiana, y correctora de munchos llibros y publicaciones n’asturianu. Dellos de los sos poemes apaecen n’antoloxía de la nueva poesía asturiana 'La prueba del once' (2015).

Participa con un rellatu na antoloxía 'Hestories pa contales (Más nomes de muyer)', qu’edita la escritora candasina afincada en New York Paquita Suárez Coalla, así como na antoloxía 'Escritores asturianes', editada pola Conseyería d’Educación y Cultura nesti añu 2017 por cuenta la Selmana de les Lletres Asturianes como llibru regalu.

Marcos tamién ye integrante del Comité Central de la Timba Poétika, grupu de poetes (homes y muyeres) asturianes que lleven la poesía de pueblu en pueblu y de ciudá en ciudá pelos chigres y pubs d’Asturies.

'Cuentos de ser y tar' (2017), volume nel que recueyen diez rellatos, ye la so primer obra publicada en solitariu. Nel actu de 'Las Tertulias del Campoamor' Marcos va tar acompañada pola poeta Raquel F. Menéndez.

Museos, sableres, naturaleza, prerrománicu

Map
Zircon - This is a contributing Drupal Theme
Design by WeebPal.