Las baquetas de Javier

Esti cuentu musical de Fernando Palacios ye una verdadera ayalga y too un clásicu nel repertoriu de Conciertos Didáuticos. Na versión que presentamos dende'l Conservatoriu Profesional de Música y Danza de Gijón/Xixón ufrimos una esperiencia divertida y dinámica, con un escenariu enllenu d'instrumentos musicales de percusión. ¡Chíflanos la percusión! Marimbes, timbales, batería (tamién la de la cocina), castañueles, caxón flamencu, temple blocks... ¿Cómo? ¿Qué si tendremos un gong? ¡Claro, fecho!


Amás, el públicu tamién podrá participar de forma activa colos sos propios instrumentos dende el patiu de butaques y, en dalgún casu, ¡dende l'escenariu! ¿Quién nun tien en casa un llaveru ruidosu, un sonaderu tienru, una pulsear tintiniante? A partir d'agora guardái los palinos del restaurante chino, los de los felaos de polu y too aquello que vos paeza que pue servir pa improvisar unes ¡baquetes!