La Bandina'l Tombo

V Alcuentros de Músiques Asturianes.
Quinta edición d'esti ciclu nos centros integraos de la ciudá, que pretende amosar la riqueza y diversidá del nuesu folclor nel que conviven tradición y modernidá, fusión d'estilos ya innovación.
La Bandina'l Tombo naz col enfotu de recuperar l'espíritu de los bailles que se celebraron en Asturies a finales del sieglu XIX y principios del XX. El so repertoriu ta basáu en pieces tantu de baille «a lo suelto» (la xota, el saltón, la muñeira, el careáu, el son d’enriba, la media vuelta, l’araña, danza...) como nes nueves pieces de baille «a lo agarrao» (la polca, el valse, la mazurca, el pasudoble...). Ye una música enfocada al baille y l'esfrute.
Ta formáu por músicos de llarga trayectoria na nuesa comunidá: Pepín de Muñalén (flauta), Dolfu R. Fernández (violín), Marga Lorences (acordión), y David Casillas (contrabaxu).