'Humanes', de Muyeres

'Humanes' naz como un proyeutu global; proyeutu de discu y espectáculu, que va ver la lluz el 11 de xineru próximu nel Teatru de la Llaboral de Xixón. Muyeres tenemos la necesidá de seguir avanzando como coleutivu musical, dende un puntu de partida nuevu. Per primer vegada, tolos cantares d'esti trabayu nun son temes recuperaos de la música tadicional, sinón que se crearon a costa fecha pa 'Humanes'.

Hestories que ñacen d'otres, dalgunes reales y otres ficcionaes, de muyeres que pudieron esistir o non, pero que permiten venos y ver a otres dende un prisma distintu, buciando na contradicción, imperfeición y na vulnerabilidá de cualquier ser humanu. Humanes, ensin más.

Dende hestories de muyeres qu'alternen con Lorca, a chigreres que se dexen querer; dende ermitañes arrodiaes de llobos (y llobes) a estravagantes solitaries nun pequeñu pueblu, o pasando por aquelles que venguen la muerte d'un ser queríu con otra muerte más. Muyeres ensin mieu y imperfeutes, pero que na so maraviyosa e imperfeuta esencia, tamién son humanes. Como nosotres, como tantes otres.

• Espectáculu del grupu Muyeres diseñau y dirixíu por Borja Roces.