Horror, el show que nunca se debió hacer

Espectáculu homenaxe a 'Rocky Horror Picture Show'. Teatru, serie B, coreografíes, humor, amor, terror, ciencia ficción y música en direuto danse cita en 'Horror'.


Un grupu d'actores lleguen a un teatru con intención de poner en marcha los ensayos últimos de la comedia musical de cultu: 'The Rocky Horror Show'. Anque-yos sobra entusiasmu y motivación, la suerte nun paez tar del so llau y, pa más inri, l'actor protagonista abandonó la producción. A pesar de toes estes calamidaes, nun se dexen abater y pónense a ensayar, pero pronto danse cuenta de que nun podrán avanzar ensin el personaxe clave de la obra: el carismáticu Frank-N-Furter.


¿Atoparán a un actor-cantante que sía quien a dar vida al protagonista? ¿Conseguirán sacar alantre la producción? ¿De qué serán capaces con tal d'estrenar esi espectáculu que ye la ilusión de les sos vides? ¿Nun ye sorprendente el paecíu físicu qu'hai ente'l divín Frank-N-Furter y esi mozu morenazu que-yos trai las pizzes? ¿Tendrá familia? ¿Echarán-y muncho de menos si lu secuestren pa salvar l'espectáculu? ¿Cuándo coño va dexar de llover?


Actores sobre l'escenariu: Luis Alija, Carlos Dávila, Pedro Durán, Arantxa Fernández Ramos, Yasmín Sadeghi, Nerea Vázquez y Rodrigo Cuevas nel papel de Frank-N-Furter.


Músicos sobre l'escenariu: Álvaro Bárcena, Wilón de Calle, Sil Fernández y Sam Rodríguez.


Direición y dramaturxa: Laura Iglesia.