'Fuenteovejuna'

¿Hasta qu'estremu pue un pueblo aguantar la inxusticia enantes de rebelase? ¿Por qué tenemos esa predisposición a la obediencia? ¿Ye irracional la masa salvaxe na que se convierte'l pueblu cuando decide axusticiar al Comendador o ye precisamente más racional que nunca? ¿Qué fora de la humanidá ensin esa fuercia solidaria que lleva a un pueblu a llevantase contra la inxusticia?

Ópera basada nuna de les obras maestres del Sieglu d'Oru español, la 'Fuenteovejuna' de Lope de Vega, que plantega interrogantes perfeutamente treslladables a la nuesa sociedá actual: la fuercia solidaria d'una masa social baxo la represión del poder establecíu y la corrupción.

La ópera, con una música de ritmu mui activu, amuesa munches tradiciones y xéneros diferentes pero coneutados d'una manera mui orgánica, con referencies a les corrientes populares d'anguaño, como'l motown, el jazz o'l hip hop. La Ópera d'Uviéu inaugura la so temporada cola estrena absoluta de 'Fuenteovejuna', compuesta por Jorge Muñiz, con llibretu de Javier Almuzara y la direición d'escena de Miguel del Arco, Premio Nacional de Teatro 2017, n'homenaxe a los 400 años de la primer publicación de la obra maestra de Lope.

Ficha artística
Laurencia: Mariola Cantarero/María Miró.
Frondoso: Antonio Lozano/José Luis Sola.
Esteban: Felipe Bou/Francisco Crespo.
Fernán Gómez: Damián del Castillo/Javier Franco.
Mengo: Pablo García López/Juan Antonio Sanabria.
Pascuala: Isabella Gaudí/Cristina Toledo.
Jacinta: Marina Pardo.
Flores: Luis Cansino/Fernando Latorre.
Juez: Beñat Eguiarte.