'Fran©is Ba©on. La ©uestión del dibujo'

La esposición 'Fran©is Ba©on. La ©uestión del dibujo' confronta'l mitu calteníu mientres años de que Bacon nun dibuxaba; el mesmo autor asina lo afirmó en delles ocasiones. Sicasí dende la so muerte en Madrid nel 1992 conociéronse delles evidencies que ponen de manifiesto non sólo que Bacon sí dibuxaba, sinón que, amás, yera un autor prolíficu nesta téunica. Por si fuera poco, los sos dibuxos 'desmienten la idea de que sían simples trabayos preparatorios o simples divertimentos: mui al contrario, son pieces nes que s'avierte l'enfotu y la voluntá de que tengan sentíu por sí mesmes', afirma Fernando Castro, comisariu de la esposición xunto a Umberto Guerini.

Les 73 obres espuestes formen parte de la coleición 'The Francis Bacon Collection of the Drawings Donated to Cristiano Lovatelli Ravarino'. D'éstes, 15 van poder vese per primera vegada n'Estáu nel Centru Niemeyer y dos d'elles, 'Pope' y 'Crucifixion', dambes del 1992, destaquen poles sos grandes dimensiones (dos metros por dos metros), lo que reflexa'l propósitu artísticu y non de simple bocetu de los dibuxos del autor. El propiu Lovatelli asegura qu'esta ye "la esposición más completa fecha hasta'l momentu" colos dibuxos del autor irlandés.