Festival de Danza Uviéu 2019: 'Les nuits barbares ou les premiers matins du monde'

¿Quiénes yeren esos bárbaros qu'atacaben dende'l norte, esa xente misteriosa de la mar munches vegaes descrita en cróniques de toda triba y de la que n'ocasiones falen los monumentos antiguos, ensin describir quiénes yeren realmente o d'ú veníen? ¿Quiénes yeren esos bárbaros del este, esos pereas, xonios y babilonios, esos árabe-musulmanes? ¿De qué historia desconocida, escaecida, reellaborada, asimilada o esborrada vinieron, de la que nós somos herederos? El coreógrafu francés de raigaños arxelinos Hervé Koubi convídanos a un viaxe onírico al traviés d'un homenaxe a los pueblos bárbaros escaecíos que tien el so razón de ser na historia de la cuenca mediterránea. Trátase de 'Les nuits barbares ou les premiers matins du monde', programa que reflexa l'amiestu de cultures y relixones al traviés de los tiempos y permite dibuxar les bases de la xeografía común sobre la que tamos asentaos anguaño.

Emponderada pola crítica internacional como "una coreografía esllumante' (La Montagne), 'Les nuits barbares ou les premiers matins du monde' lleven al escenario los réquiems de Mozart y Fauré y la música tradicional africana amiéstase cola cultura hip hop y capoerística.