Felpeyu 25 años

La reellaboración de la música tradicional d'Asturies na llinia del folk européu ye l'oxetivu del trabayu de Felpeyu. Ellaboren el so soníu fundiendo una instrumentación que provien de la tradición popular asturiana cola procedente d'un ámbitu européu, atlánticu... más xeneral y actual, anque ensin perder el soníu acústicu. Les sos fontes son diverses: cancioneros de música popular, partitures y manuscritos de música coral harmonizada de cantares populares, archivos sonoros de grupos d'investigación etnográfica, la música popular que ta nel ámbitu de la vida diaria y, a la fin, les nueses mesmes composiciones basaes n'estructures y ritmos tradicionales. Felpeyu considérase un axente más del procesu de recuperación y dignificación de la cultura d'Asturies.

Esti conciertu, enmarcáu nel Festival Arcu Atlánticu, va servir pa celebrarar los 25 años de la banda y pa ello, Felpeyu va contar cola participación d'antiguos 'felpeyos' y delles collaboraciones.