En el desierto / Losdedae

Siete personaje van escontra un llugar inciertu. Escapen. Fuxen porque fueron espulsaos del so llugar d'orixe. La fuxida. La sensación d'esterminiu y persecución acésmalos costantemente. Crúciense. Atópense. Formen un grupu heteroxéneu de seres con una necesidá común. Aguantar. Crear. El cambéu y l'incertidume pol aportar vuélvese presente. Sobrevivir. Aguantar. Nun tolerar. Travesar el desiertu. Afayar que sosteniéndose los unos a los otros van evitar sumir.



Avocados a la nada, colo poco que pudieron caltener na fuxida. Conviven, tienen que permanecer xuntos pa sobrevivir. Un estáu d'esceición, internu y universal. Un diálogu nel que les voces tienen que dexar tras la rocea, la rocea, la estridencia de lo que fueron pa dexase llevar pol xuxuriu del oxetivu común, pa xunise nun silenciu de vida que pasa pola muerte mesma.
Como una menada d'animales mancaos que nun maten morriendo, que se llamben les feríes pa faese invencibles.