Emilio Moreno y Aarón Zapico

Luigi Boccherini ye autor de munches sonates pa violín y clave, na so mayoría trescripciones de los sos meyores cuartetos y quintetos. Esti programa d'Emilio Moreno y Aarón Zapico ufre una escoyeta de les más representatives d'estes trescripciones pa violín y clave d'obres de Boccherini, 'favorites' de los públicos d'entós, nes que l'equilibriu ente dambos instrumentos ye visionariu y recuerden al meyor Mozart sonatista. Dalgunas son de mano del propiu Boccherini, otras de músicos contemporáneos suyos y tamién dalguna fecha por nós mesmos dientro l'espíritu del autor y la so época. Quiximos, amás, escoyeres piezas (los cuartetos de la Tirana Española y de la Seguidilla) que contribuyan a resaltar aquel caráuter tan castizu d'esi maraviyosu violonchelista y compositor toscanu que llegó a Madrid en plena mocedá pa nun salir nunca más del reinu, convirtiéndose en el más popular de los autores hispanos de la segunda metá del XVIII, y nún de los compositores 'españoles' más importantes de tolos tiempos: Don Luis Boquerini.