'El fotógrafo que nunca existió. José Zamora Montero (1874-1953)'

  • Esposiciones

Fecha: 

Xueves, Xunetu 25, 2019 to Domingu, Ochobre 6, 2019

Hora: 

Xunetu y agostu: M-S: 10.30-14 y 16-20h; D: 10.30-14.30h. / Restu del añu: M-V: 10.30-14h y 16.30-20.30h; S: 11.30-14 y 17-20h; D: 11.30-14.30h

Preciu: 

Entrada gratuita

Llugar: 

Muséu de Belles Artes d'Asturies

Conceyu: 

  • Oviedo/Uviéu

Esposición dedicada a la figura de José Zamora Montero (1874-1953), capataz de mines de la Real Compañía Asturiana de profesión pero con una riquísima y, hasta agora, desconocida obra fotográfica al llombu que ye oxetu de l'amuesa entitulada 'El fotógrafo que nunca existió. José Zamora Montero (1874-1953)'.

Zamora emigró a Asturies a últimos del sieglu XIX movíu pol esplendor de la metalurxa del zinc nel país. A esti respeuto, a pesar de que nun se dedicó profesionalmente a la fotografía, lo cierto ye que dexó un archivo de más de dos mil semeyes.

Esta esposición naz de la investigación fecha pol historiador Juan Carlos de la Madrid (Avilés, 1963) y l'archiveru Alfonso García Rodríguez (Xixón, 1973), a partir de la que la editorial Trea espubizó un llibru que lleva por títulu 'Fotografía, industria y trabajo. José Zamora Montero (1874-1953)'. Por mor del interés llevantáu y a lo valioso del material recopiláu, la pinacoteca asturiana quixo ser partícipe y difusora del mesmu descubriendo al públicu la obra d'esti interesante y desconocíu profesional.

Les instantánees que conformen esta amuesa son, poro, un documentu de primer llinia pa reconstruyir non sólo la historia de la fotografía y les traces d'una industria metalúrxica del momentu, sinón tamién el perfil, el trabayu y hasta les cares de los trabayadores qu'a ella entregaron cuasi tola so vida. Xunto a estas semeyes, na esposición tamién se podrán contemplar otres fotografíes de calter familiar onde la intimidá y l'entornu de Zamora queden al descubiertu.

Zircon - This is a contributing Drupal Theme
Design by WeebPal.