Donación de Plácido Arango Arias al Muséu de Belles Artes d'Asturies

El fondu inclúi obres venceyaes a la hestoria del arte español de los sieglos XV al XX, siendo la más antigua de 1485 y la más recién de 1992. Dieciocho de los artistes incorporaos permanecíen inéditos hasta'l momentu nes colecciones de pintura del Muséu, ente que cuatro taben representaos por aciu depósitos de colecciones públiques o particulares y seis yá figuraben nos fondos. D'esta miente, la donación dexa, per un llau, desaniciar llagunes esistentes nes colecciones del Muséu y, por otru, reforzar de manera escepcional lo yá presente.

Ente el pintores hasta agora non representaos destaca la incorporación d'obres maestres d'artistes como Diego de la Cruz, Juan de Juanes, Juan Pantoja de la Cruz, Bartolomé González, Juan van der Hamen, Jerónimo Jacinto Espinosa, Juan de Valdés Leal, Antoni Tàpies, Manuel Millares y Eduardo Arroyo, ente otros. Tamién ye de reseñar la presencia d'escultures d'autores contemporaneos como Juan Muñoz y Cristina Iglesias.

Per otru llau, el Muséu va arriquecese enforma cola incorporación d'obres perdestacaes de pintores como Juan Correa de Vivar, Luis de Morales, Francisco de Zurbarán, Genaro Pérez Villaamil, Ignacio Zuloaga y José Gutiérrez Solana, ente otros.