'Como ceniza blanca sobre una hoguera', de La Tejedora de Sueños

"La Inquisición española yera dura, implacable, hasta cruel; pero yéralo con toos". Con estes pallabres Manuel Fernández Álvarez describe l'ideal que marcó la España de finales del sieglu XV, una dómina alloñada del nuesu tiempu pero qu'entá caltién ciertes asemeyances. Basada nun fechu real, con un llinguaxe averáu y una propuesta escénica innovadora, busca enxuiciar esi combate atemporal ente llibertá y poder.

Zaragoza, 1485. Los Reis Católicos pretenden xunificar una España estremada baxo'l xugu de la Santa Inquisición. Na so defensa, los xudíos más ricos de la ciudá preparen l'asesinatu del inquisidor xeneral Pedro Arbués. Les consecuencies comiencen a notase dende un empiezu: Yannis y Milena, pareya que dulda si pertenecer o non a la combalechadura, son deteníos y encarcelaos, emponiendo al públicu nel xuiciu habitual a un herexe.

'Como ceniza blanca sobre una hoguera' pretende del espectador un viaxe del que nun pueda salir ilesu. Un puntu de partida pal análisis del so yo más íntimu: quién fuimos, qué buscamos y en qué nos convertimos.

Direición: Gemma de Luis.
Premiu Asturies Xoven de Testos Teatrales del añu 2016 y Premiu Xovellanos a la Producción del 2017.