Circuitos

La esposición Circuitos ye la resultancia de la XXVI edición de la convocatoria pa la promoción del arte nuevo de la Comunidá de Madrid, dirixida a impulsar la creación artística y l'acercamientu del públicu a les práctiques artístiques actuales. Los diez proyectos que lu conformen fueron escoyíos por un xuráu independiente a partir d'una convocatoria abierta y reflexen la heteroxeneidá que define l'ámbitu creativu actual, marcáu pola facilidá d'accesu a la información y la movilidá de los artistes. Respetando les distintes perspectives de los autores, dientro de la excelencia, esta selección convida a trazar llínees imaxinaries ente los puntos de mancomún que conformen una xeneración.

Circuitos preséntase agora en Llaboral Centru d'Arte y Creación Industrial, gracies a la collaboración col Principáu d'Asturies, al pie de una nueva esposición desenvuelta específicamente para salar Borrón d'Uviéu. Dicha collaboración favorez l'intercambiu y la comunicación nel ámbitu creativu nacional y convida a los artistes a siguir avanzando nos sos trabayos: a entendelos meyor aceptando'l retu d'afaelos a un nuevu espaciu, Llaboral, y les sos audiencies. Un retu que va más allá na sala Borrón d'Uviéu, onde'l proyectu espándese al traviés d'una esposición estrechamente venceyada a la orixinal, na que se presenten los trabayos previos o paralelos realizaos polos artistes mientres el procesu de culminación de les obres galardonaes.

Dambes esposiciones compleméntense y multipliquen por dos les posibilidaes de desenvolvimientu de los artistes, tantu como d'esfrute del espectador que, dende los secretos de taller de Borrón hasta la puesta n'escena de Llaboral, va poder averase a les poétiques del nuesu tiempu.

Comisaria: Yara Sonseca.

Artistes participantes: Daniel Cerrejón, Julián Cruz, Ana de Fontecha, Roberto Guillén, Raúl Hidalgo, Nadia Hotait, Carlos Ramírez, Miguel Ángel Rego, SomosNosotros, Luis Vassallo.