CIMCO: Enol Ensemble

Enol Ensemble, en collaboración con Higiénico Papel Teatro, decidieron reconvertir pal Ciclu Interdisciplinar de Música de Cámara d'Oviedo/Uviéu (CIMCO) a la sala de cámara del Auditoriu nel salón de la casa de Sylvester Paumgartner y ellí celebrar una denominada 'Schubertiada', términu emplegáu dende l'añu 1812 pa nomar los axuntamientos que'l compositor entamaba colos sos collacios. Nestes reuniones de clase social media, Schubert tenía la oportunidá de dar a conocer toles sos obres.

Los intérpretes del Enol Ensemble xunto a la cantante sopranu uvieína Ana Nebot pasarán pela casa de Schubert, carauterizáu pol actor Carlos Dávila, interpretando lieder diversos del compositor y concluyendo'l conciertu col quintetu de 'La Trucha' Op. 114.