Celsius 232

Celsius 232 ye un festival de terror, fantasía y ciencia ficción que naz pa trayer a la ciudá d'Avilés lo meyor y lo más destacao de la narrativa de xéneru internacional y estatal, que tamién acuta un pequeñu espaciu a otres disciplines y dacuando a otros xéneros. El certame constrúise sobre un alcuentru lliterariu de primerísimu nivel mundial, que compaxina actividaes más 'académiques' como charres colos autores o presentaciones de llibros, con actividaes 'de cai' que nos averen a la ciudá, como'l cine na cai, les demostraciones de xuegos d'estratexa, etc., combinando actividaes mañaneres pa los más pequeños con actividaes nocherniegues pa los más mayores.

Tamién s'entamen numberoses actividaes propies, pero como un espaciu d'alcuentru pa qu'otres asociaciones rellacionaes col xéneru puedan presentase y dar cabida a les sos propies actividaes. El festival celébrase pela redolada de la Casa de la Cultura d'Avilés, na Plaza Domingo Acebal, de baldre y abiertu a tolos públicos. Sólo hai llende d'aforu en ciertes actividaes y talleres y nel auditoriu de la Casa de la Cultura.