'Catacróquen', d'É Vero Teatro

Humor, música en directu, monólogos, ¿quién da más? 'Catacróquen' ye un espectáculu emocionante con música en direuto y un humor gamberru que pretende esbaratar les torgues cotidianes para, de dalguna manera, recordanos que los suaños son el motor de la vida.

Per mediu de monólogos y interaición col públicu, enllácense temes musicales de bien diversos estilos y dómines: un cocktail musical que confier un ritmu azogosu a la obra. Atención, el públicu asistente cuerre'l peligru de catacróquenizarse (el númberu d'infeutaos xube de manera alarmante).