Cantanavidad 2019
- Música
Fecha:
Hora:
Preciu:
Llugar:
Conceyu:
- Gijón/Xixón
Un conciertu pa críos de 0 a 3 años y les sos families entamáu pola Escuela de Música Tempo en collaboración cola axencia d'eventos DRIM y la Escolanía San Salvador.
Tolos beneficios algamaos destinaránse a l'Asociación ADANSI de familiares y persones con autismu.
El programa musical de Cantanavidad ta compuestu por villancicos y melodíes de la tradición navidiega de diferentes requexos del mundu. La so interpretación cuerre a cargu de la Escolanía San Salvador, de los profesores de la escuela Tempo y d'otros artistes convidaos pola escuela Tempo.
Los conciertos pa críos ufren una esperiencia musical intensa a los neños y a los sos familiares. L'espaciu elimina barreres ente los músicos y los pequeños. El repertoriu ta especialmente pensao pa ellos, con obres de calidá, breves y cambiantes, enllenes de contrastes rítmicos, melódicos y tímbricos que capten la so atención facilmente.
El tiempu d'atención optimízase reforzando los cachos musicales con estímulos visuales, oxetos artísticos o instrumentos musicales de manexar cenciellu pa qu'éstos puedan acompañar musicalmente a los intérpretes. Los críos pueden movese al debalu, tocar, cantar, baillar o simplemente disfrutar nun ambiente seguru y musical.
