Asuntos de familia

Nesta comedia familiar un matrimoniu veteranu que lleva una vida apacible, dalgo monótona y rutinaria, sírvenos de guía pa conocer a los sos fíos y les diferentes peripecies de caún: Tarek, que se caltién solteru a pesar de les reticencias familiares; la so hermana que ta a piques de ser madre y ta casada con un mecánicu qu'aspira a ser actor; y el fíu mayor que vive en Suecia y espera la visita de los sos padres. El matrimoniu nun ta mui pol llabor de viaxar tan lloñe nin de dexase complicar polos problemas de los sos fíos. Con un tonu desenfadáu y aparentemente llixeru, la historia llévanos a reflexonar sobre les llendes y fronteres, yá sían físiques o culturales; mentales o alministratives. La direutora Maha Haj inspiróse na so propia esperiencia como palestina residente n'Israel a la hora d'escribir esta película.


Títulu: 'Personal affairs' (Israel, 2016).


Direutor: Maha Haj.


Repartu: Amer Hlehel, Maisa Abd Elhadi, Ziad Bakri, Jihan Dermelkonian, Hanan Hillo y Doraid Liddawi.


Idioma: versión orixinal n'árabe y hebréu con subtítulos en castellanu.