'Angry inuk (Inuit enfadado)'

Les foques son ún de los principales símbolos de la llucha polos derechos de los animales. Desgraciadamente tamién son l'alimentu base y un elementu fundamental de la economía de los inuit, la cultura indíxena qu'habita les tundres del norte de Canadá, Alaska y Groenlandia. La tradición ancestral de cazar foques non solo ye básica pa la so alimentación y economía, sinón que tien un rol central nel ámbitu social y na identidá inuit.

La ruidosa llucha de les principales organizaciones ecoloxistes pa desaniciar la matanza de foques nel mundu semó la solombra na forma de vida d'esta comunidá que, por cuenta de la so naturaleza silenciosa, nun tuvo nunca voz nel alderique públicu.

Con esti documental, la directora inuit Alethea Arnaquq-Baril da por fin al so pueblu la oportunidá de defendese de los prexuicios culturales qu'envolubren el so estilu de vida y de llantar cara a los grandes grupos ecoloxistes internacionales que nunca-yos quixeron escuchar frente por frente.

'El Documental del Mes'
País de producción: Canadá, 2016.
Duración: 85 minutos.
Idioma: versión orixinal n'inglés y inuktitut con subtítulos en castellanu.