'Andrea Chénier'

Intrigues, odiu, rensía, persecución política, llucha de clases, ilusiones atayaes y, sobre manera, amor apasionao, son aspeutos de la vida que, envueltos nuna cruenta revolución y protagonizada por un personaxe qu'esistió en realidá (el poeta francés André Chénier, executáu mientres la Revolución Francesa), entemécense pa danos una de les óperes más representatives del periodu verista italianu, onde se escenifica la tráxica y emotiva hestoria d'amor ente'l poeta Andrea Chénier y l'aristócrata Maddalena de Coigny.

El célebre improvviso 'Un dì all´azzurro spazio'; la famosísima aria de Maddalena 'La mamma morta'; o l'aturbolináu dúu final 'Vicino a te', nel que la pareya protagonista canta heroicamente camín del cadafalsu, son dellos exemplos d'una obra enllena de pasaxes llíricos que cubren d'interés esta historia d'amores truncaos nos díes más sangrientos de la dictadura de Robespierre, cuando la guillotina trabayaba ensin fuelgu.

Umberto Giordano, con tal solo 27 años, algamó con esta ópera la celebridá mundial y l'Ópera d'Uviéu celebra asina'l 150 aniversariu de la nacencia del compositor.

Repartu
Andrea Chénier: Jorge de León.
Carlo Gérard: Carlos Álvarez.
Maddalena de Coigny: Ainhoa Arteta.
La Mulata Bersi: Mireia Pintó.
La Condesa de Coigny/Madelon: Marina Rodríguez-Cusí.
L'abá: Manuel Gómez Ruiz.
Un Increyible: Jon Plazaola.
El mayordomu/Dumas/Schmidt: Cristian Díaz.
Orquesta Oviedo Filarmonía
Coru de la Ópera d'Uviéu

Direición
Direición musical: Gianluca Marcianò.
Direición d'escena: Alfonso Romero Mora.