Alejandro Villar

Alejandro Villar propón un viaxe apasionante pela historia de la música occidental al traviés de la flauta de picu (recorder), instrumentu que, pese a esperimentar lóxicamente socesivos cambios formales dende los sos oríxenes hasta los nuesos díes, tuvo presente nos diez sieglos que separten les dances primeres del Medievu de les vanguardistes composiciones actuales.


El recital compónse de diez obres (una per sieglo) cuidadosamente seleicionaes dientro del ampliu repertoriu conserváu pa flauta de picu ensin acompañamientu, o susceptible d'interpretase, nel casu de los periodos anteriores al Barrocu, con dichu instrumentu en solitariu.


Trátase entós d'una oportunidá magnífica p'averase a los diversos llinguaxes modales y tonales que se socedieron históricamente y descubrir lae diferencies y asemeyances esistentes ente ellos. L'ambiciosu percorríu temporal que se plantega concentráu nuna simple hora de conciertu bríndanos la posibilidá d'observar de primer mano la evolución de la música medieval, renacentista, barroca, clásico-romántica y contemporánea.