¡Bon Apetit! - Bayerina y Fermín Nomelavonada

Dos histories teatralizaes de forma didáutica, xuníes por un nexu común onde los neños, de forma dinámica y participativa, van adquirir una serie de conocencies pa llevar a cabu unos vezos saludables nel so día a día.

Entramos nel mundu de la cocina de la mano de l'afamada chef francesa Chanel. Quien, en collaboración del so peculiar pinche de cocina Pierre Chocolat, va enseñar a los neños los meyores vezos alimenticios pa llevar una vida saludable. Chanel va poner en práctica les sos dotes culinaries d'una forma cenciella, onde tamién va tener qu'enseñar al so mozu collaborador dalgunos d'estos vezos y trucos.



Los neños van ser partes de les metedures de pata de Pierre col que munchos d'ellos sentiránse identificaos. La esperiencia culinaria de Chanel va motivar que'l so ayudante y los neños del públicu participen de les sos conocencies.
De siguío y a manera de concursu los neños van participar nuna rueda d'entrugues, que los va introducir na siguiente hestoria teatralizada onde Chanel va presenta-yos a Bayerina y a Fermín Nomelavonada, dos primos nun realcuentru dempués d'enforma tiempu.
La pulcra Bayerina sosprendese al atopase col so primu, al que de primeres nun reconoz polo mal que güel y el so aspeutu degaxáu. Ésta trata de camudar ya iguar esto, esplicándo-y la importancia de la híxiene personal y devolviéndo-y un aspeutu saludable y llimpio.
Tou ello al traviés d'un xuegu de cambéu d'imaxe del que van participar los neños del públicu.



Finalmente cola ayuda de los neños y de Bayerina, Fermín va remanecer con un aspeutu más curiosu.