'¡Echa al trasgu!' d'Acuto Xuegos

Actividá p'adientrase na nuesa mitoloxía al traviés del xuegu de cartes '¡Echa al Trasgu!'. La xana, el cuélebre, el nuberu o'l busgosu... El participante ha escoyer cuál va ser el so pesonaxe y tratar d'axuntar toles cartes del so llar pa ganar la partida, col trasgu tratando d'evitalo. Si se mete en llar, pa sacalu habrá que facelo de dalguna de les maneres qu'emplegaron siempre los asturianos y asturianes.

Destináu a neñes y neños de 6 a 10 años, con places llendaes. Ye posible apuntase na propia Biblioteca Pública de Mieres de llunes a vienres de 9 a 20.30 hores o nel teléfonu 985.45.62.94.