'Mazcaraes d'iviernu', d'Aladanza Educación y Tradición

N'Asturies los ritos rellacionaos col Nadal y l'Antroxu tuvieron raigaños bien fondos na cultura popular, polo que la nuesa comunidá tien personaxes propios, mitos y costumes pa les celebraciones alrodiu la fin y l'entamu d'añu, mayormente asociaes al cristianismu, pero con un orixe que, tal como aseguren los estudios fechos, ye precristianu y pertenez al ciclu festivu sobre'l solsticiu d'iviernu. L'aguilando, lo mesmo que l'Antroxu, vencéyase a lo que anguaño se llama mazcaraes d'iviernu. Nelles, los mozos mazcarabánse y diben poles cases cantando coples y recibiendo como aguilando bébora y viandes.

Esti taller sobre les mazcaraes d'iviernu ta empobináu a neñes y neños a partir de 5 años. Les places son llendaes, polo que ye necesario inscribise previamente na propia Casa Cultura.