XV L.E.V. Festival: Tadej Droljc / Lucie Antunes

Sesión doble nel Teatru Xovellanos. L'eslovenu Tadej Droljc va presentar la performance audiovisual 'Beambreaker', una pieza compuesta de láser, lluz, espeyos doblaos y soníu, na qu'oxetos audiovisuales volumétricos broten d'una estrecha sincronización ente fexes de lluz y ondes sonores rotes, creando una especie d'espeyu distorsionáu nel que se pue observar lo invisible.

Darréu, la moza batería y percusionista francesa Lucie Antunes va interpretar en direuto'l so álbum 'Sergeï', una esplosión auténcia d'allegría y una declaración de llibertá, cola que nos convida a recuperar el nuesu neñu interior ente soníns magnéticos y instrumentos poco convencionales como la marimba, el vibráfonu, la celesta, les campanas tubulares, el carillón o les ondes Martenot.