El silencio de otros

  • Proyecciones

Fecha: 

Martes, Marzu 12, 2019

Hora: 

20:00h

Preciu: 

Entrada llibre hasta completar aforu

Llugar: 

Auditoriu de La Pola

Conceyu: 

  • Siero

Col sofitu d'El Deseo, la productora de los hermanos Almodóvar y Esther García, 'El silencio de otros' trata cuestiones universales sobre cómo les sociedaes enfréntense con procesos de transición a la democracia y cómo los individuos confronten el silenciu y lluchen pola xusticia. ¿Qué ocurre cuando un país tien que se facer cargu del so pasáu tres tantos años de silenciu? ¿Pue facese xusticia depués de tantu tiempu? Un retratu cinematográficu sobre'l primer intentu na historia de procesar a los criminales de la llarga dictadura franquista que, pa desconocimientu de gran parte del mundu, disfrutaron d'impunidá mientres décades por mor de la Llei d'Amnistía del 1977.

La historia desarróllase n'España y n'Argentina, onde una xueza fíxose cargu del casu basándose nel principiu de xurisdicción universal. Esti casu supón amás un xiru estraordinariu, yá que foi España l'Estáu pioneru n'usar la xurisdicción universal contra l'ex dictador chilenu Augusto Pinochet. 'El silencio de otros' rellata la historia d'esta querella internacional de relevancia histórica al traviés de les esperiencies de víctimes de la dictadura franquista que frayaron el 'pauto de silenciu' n'España, convirtiéndose en querellantes, incluyendo a víctimes de tortures, padres y madres de neños robaos, y familiares que siguen lluchando por recuperar los cuerpos de los seres queríos de fueses comunes repartíes pol Estáu.

  • Estáu: España (2018).
  • Direutor y guión: Almudena Carracedo y Robert Bahar.
  • Documental.
  • La cita inclúi un alderique posterior con miembros de la Coordinadora Estatal d'Apoyu a la Querella Arxentina (CeAQUA) Asturies.
Zircon - This is a contributing Drupal Theme
Design by WeebPal.