Blister

Grupu mozu formáu por músicos con historial llargu nel panorama musical asturiano con temes propios y les meyores versiones de los grandes del rock: Deep Purple, Gary Moore y Led Zeppelin, ente otros. Los sos componentes proceden de grupos diferentes con estilos variaos, pero con un denominador común: el rock.

El nome surde d'una formación antigua compuesta por músicos de Llugones procedentes del grupu Etiqueta Negra. La intención de Blister ye conservar les melodíes, harmoníes y matices del rock y del blues clásicu, pa lo que recurre a temes básicos del rock xunto a composiciones propies que van na mesma llinia.

• Juan Lozano: voz solista.
• Pablo García: batería.
• David Freire: baxu y coros.
• Manuel de la Vega: guitarra solista y coros.
• Victor. L. Magadan: guitarra rítmica y coros.