Calígula

Suetonio, escritor romanu consideráu ún de los maestros del xéneru biográficu del mundu antiguu, dexó pa la posteridá un retratu del tercer emperador romanu, Cayu Xuliu César Augustu Xermánicu, que pasó a la historia col so nomatu infantil: Calígula. Albert Camus, ún de los autores imprescindibles de la Francia del sieglo XX y Premiu Nobel de Lliteratura nel 1957, partió d'esti retratu pa crear una pieza teatral que ye, de fechu, un conxuntu d'obres integraes nuna sola. El so protagonista enfréntase al absurdu de la esistencia –ún de los temes clave na obra de Camus– tres la muerte de la hermana y amante, Drusila, y nun intentu de demostrar la mortalidá y infelicidá humanes, somete a los sos súbditos a too tipu d'horrores y persecuciones.
'Calígula', d'Albert Camus. Torna de Borja Sitjá.
Direición: Mario Gas.
Repartu: Pablo Derqui (Calígula), Borja Espinosa (Quereas), Pep Ferrer (Corifeo), Mónica López (Cesonia), Pep Molina (Corifeo), Anabel Moreno (Corifeo), Ricardo Moya (Corifeo), Bernat Quintana (Escipión) y David Vert (Helicón).